الكرسى الساخن يستضيف الاخ عبد المنعم سعيد

المهم مختصر تجربة ايطاليا طلعت منها بلاتي
1.الزول لمن يطلع من بلدو لازم يكون معقول و يحاول يتقبل الاخر
2. التعامل فن و الزول يحاول يكون فنان
3. مسالة السلوك السوداني مهم جدا كمان التمسك بالدين مهم بس انتا لمن تطلع بره بلدك ده بي اختيارك اها الناس المشيت ليها عندها دينها و عندها سلوكها ما بتقدر علي تحمل الاخر في المواضيع دي احسن اقعد عند اهلك
4. و الله غايتو لمن مشينا في عمرنا داك حتي اخونا الجنوبي في ظاهر الامر كان لايقل عن اتقي الاتقياء سلوكا و بالواضح جقمة المريسة دي عندو بس بسويها بي سترة و ما اترترح يوم و احد غير كده و الله كان مثال للسوداني العظيم
5. غايتو تصادق منو و تتعامل مع منو في اوربا و الغرب دي ما في زول بحددها بس لو في طريقة الواحد يختا العرب اولاد اللذينا ديل
5. يعني بالواضح و الله الجنوبين اقرب لينا من العرب المستعربة و المستغربة
ما عمل فيها منظراتي بس جاني شغل و بجييكم تاني

واصل يا ابوسعيد السرد الجميل واقيف لينا في محطة الفترة الجامعية والناس الكانو زملاك من المعيلق ( النزير محي الدين ودكتور جعفر الماحي ) وممكن برضو تفصل في فترة سجن كوبر اكيد كانت تجربة كبيرة في الفترة ديك بعداك كيف بدأت مشوار الاغتراب الطويل
وبرضوا وضعك حاليا هل ما زلتا متابع ومتعاطي للسياسة وقضايا البلد والاحزاب والديمقراطية والكلام الكتير الكان في فكرك زمن الجامعة ولحدي ما دخلك المعتقل
تاني اكون جميل جدا لو اديتنا وجهة نظرك في واقع البلد اليوم بحكم انك في يوم من الايام كنتا مهتم بهذا الجانب يعني كلام عام في السياسة وفي الاقتصاد والثقافة والحرب والسلام




بس ما تقلبا كلها دين

سلام
عمر بجييك و بحكي
بس قبل ما افوت من حتة ايطالبيا دي حصل لي موقف اول الايام قبل الفلهمة مضحك جدا
اها ناس الماجستر كانو بيجيبو مواهيهم = جمع ماهية = من السفارة اها اخونا زول التخطيط مشا روما و وبعد ما جاء من روما الجماعة كانو معاهو و انا جيتهم لقيتهم قاعدين
اها زولك قال ليهم و الله روما كلها سيل
طبعا هو كان بقصد كلمة sale الانجليزية بمعني تخفيضات و انا في الوقت داك لا بعرف تخفيضات و لا زاتو كنا بنشتري حاجة لانو فيها تخفيضات = و زاتو انا قايل انو تخفيضات هي = discount = و بنشتري لمن نحتاج
اها للشلاقة بدل اسكت ساكت قلتا ليهو اوعا يكون السيل = و كنتا طبعا فاهم السيل هو سيل موية المطر= شفتو انا اهل العوض كيف = ضراهم و لا كسر ليهم شي
و طبعا اظنو في ناس بيضحكو لغاية اسع

طبعا سجن كوبر غايتو ايام نميري كان اكبر اشاعة
المهم سجن كوبر دي رحلة طويلة
اهم ما فيهو انو و الله السجن ده ما لي الرجال بالعكس ما فيهو رجالة خالص لانو بضيع الوقت و بشرد اللب و بعلم العزلة طبعا ديل كويسات ان كانن لله غير كده مضعية وقت
تانيا انا السجن وراني انو الساياسين السودانين ديل فشنك جدا جدا جدا جدا
و الله ناس كلام ساكت
يعني معظم قادة الاحزاب ديل لقيناهم لا قراية لا فهم بعيدن مواقفهم متقلبة يعين مزاجيين
طبعا .
طبعا في ارقام فيهم
بالرغم من اني كنتا يساري لكن في ناس في السجن كانو سودانيين للطيش
معظم قادة الحزب الشيوعي ظاهرهم الجدية و و بحبو الانعزلية لانو طبيعة العمل اسري اثرت عليهم
الكيزان نفس التركيبة بس لفت انتباهي انو د. ابراهيم احمد عمر ده راجل طيب و علي نياتو ما عارفو اسع شغال كيف لانو حنين جدا كان و رجل بسيط رجدا
ناس حزب الامة و الاتحادي ديل و الله بوبار ساكت راسهم مافيهو حاجة يخص مستقبل البلد يعني اسع لو عاينتا ليهم عاملين معارضة طيب لو الحكومة ااتغيرت برنامجهم شنو في تغير الادارة السياسية لدفة الحكم نمط الاقتصاد و التعليم و الصحة .
اما خالك النذير ده فانت عايز مشاكل لانو هو مقلبني في سنة تالتة
طبعا كان صديق لي في سنة تانية
و اتناقشنا كتير و و انتما للجبهة الديمقراطية
في سنة تالتة تم اختيارو من قبل الجبهة للترشيح لجمعية الاقتصاد و فاز و بقا ريئس لجمعية الاقتصاد علي ما اظن و اها في الاجازة جوني بعض الزملاء زعلانين و قالو لي زولك اخترناهو لرئاسة جمعية الاقتصاد كجبهة دجيمقراطية و اسع قلب بقا جمهوري
و طبعا النذير الحاجة الكويسة فيهو بعمل البقنعو و يرضيهو و اتذكر انو سبقو للحكاية دي برضو صديق لي من العلوم من رفاعة اسمو سعد برضو قلب بقا جمهوري

السلام عليكم
يعنى يا ود سعيد القاده ديل كلهم افيال ضخمة بس من كرتون سااااااااااااااااكت
منه العوض وليه العوض
حتى المرغنى والله الناس المرغنى ديل عندى ليهم حب خاص وشايفهم كدا ناس فاهمين
بس طلعتهم اى كلام
اكان كدا بس نقول يا الانجليز تعالوا راجعين