لماذا لا يكون لدينا موقع للمستشفي والمدارس

ياباشمندس / سامي لك التحية
لماذا لايكون لدينا موقع للمستشفي والمدارس
خصوصا انو المعيلق بقت ماشة في زيادة عجيبة
وماشاء الله اولادنا البره كتيرين فهذا الموقع بالتاكيد يعكس
لهم صوره المستشفي الحالية والمدارس وهي داير دعم منهم
او
ممكن تشيل صور للمستشفي والمدارس بالحالة الحالية
وربنا يديك العافية

يابشمهندس

سلااااام ياعلى

اقتراح جميل ونحن معك فى هذا لان المستشفى

تستحق اهتمام من الكل وايضا المدارس

ومشكووور ياعلى على اهتمامك بهذا الجانب الحيوى والهام

ويديك العافيه ياحنيييييييييييييين

شكراً على اهتمامك بامر التعليم والصحه يا على فهذا الشبل من ذاك الاسد وانا بعدل فى اقتراحك ده شويه انو نفرد ليهم بوست لكل واحد منهم نعكس فيه اخر التطورات ونتناقش فى سبل تطويرهم وخصوصا انو الفتره الاخيره شهدت نشاط كبير فى تطوير المستشفى

مشكورين الاخوان على وسامى وابومحمد على هذا الاقتراح المهم جدا
حيث ان المدارس فى المعليق بدات تتدهور من ناحية البناء والعمران والجدير با لذكر ان
مدارس المعليق لها سمعة على مستوى الولايات والسودان عامة لذالك لابدا من طرح هذا الموضوع حتى ترجع المدارس زى زمان وايضا المستشفى مهم للمعليق وريفى المعليق الذى
يضم اكثر من 67 قرية نرجو من الاخوة القائمين على امر المعليق الاهتمام بهذا الموضوع
وخا صة الاخ ابرا هيم جادالسيد ومن معه من الاخوة المسؤلين
ونتمنى كل التقدم والرقى للمعليق وانشاء الله كمان الزلط يصل قريب

سامى ابراهيم كتب:

شكراً على اهتمامك بامر التعليم والصحه يا على فهذا الشبل من ذاك الاسد وانا بعدل فى اقتراحك ده شويه انو نفرد ليهم بوست لكل واحد منهم نعكس فيه اخر التطورات ونتناقش فى سبل تطويرهم وخصوصا انو الفتره الاخيره شهدت نشاط كبير فى تطوير المستشفى

وليكن شعارنا ( سنعيدها سيرتها الأولى ) ؛؛

ولكم الود

حنبنيهو البنحلم بيهو يوماتي......ويللا يا شباب شمرو السواعد البلد دايرة الكتيييييير... والله المستعان....