زواج مدثر الطيب طه(بالصور)

الف مبروك
الله يقدرنا نحضر طعام الغداء هذا الموعود باللمة والفرح
ولكن الموضوع باين محتاج معجزة فى زمن قلت فيه

الف مبروك ياخالو وانشاء الله كلنا نحضر العداء والسيرة.

االف مبروك ياخالو وانشاء الله كلنا نحضر الغداء والسيرة.

زواج مدثر الطيب طه(بالصور) %D8%B3%D9%85%D8%B9%D9%88%D9%86%D8%A7+%D8%B2%D8%BA%D8%B1%D9%88%D8%AF%D8%A9+%D9%84%D9%88%D9%88%D9%88%D9%88

الف الف مبروك وربنا يتم على خير

بالعديل .....والزين .....والفرح المبين.....
طال شوقنا ليك يا عريس بالأيام والسنين..........
وراجين ليك ده اليوم اللى تتم فيه فرحتك .......
ببنت العفاف والخلق والدين.......

ألف ألف مبروك العزيز والغالى مدثر وبيت مال وعيال.....

وإنشاءالله حاضرين الغداء وسايرين بإذن الله تعالى.....

كل الأمنيات بحياة زوجية سعيدة....

مليار مبروك اخو الاخوان مدثر وانشاء الله بيت مال وعيال وحياة اجمل وانضر لما تحمله من قلب طيب مشارك لكل الاخوان وعقبال جميع الشباب

في دياركم عمت الافراح
والمنى حطّ الرحال
والاماني العذبة جات
تمرح بإبتهال
جات تبشر بالمنى
جات تبشر بالوصال
والزغاريد تملاً المدينة
وليك مليون تهانينا
أخي الغالي مدثر الف الف الف مبرووووووووك
وربنا يجعله زواج سعيد ومبارك ويجمع بينكم على خير
والتهاني موصولة لسعيدة الحظ الفائزة بهذا القلب
و للأسر الكريمة

لي زول بيحلم بالعديلة

وفرحة الريد الطويله
ناس تجيهو تغنى ليهو
ناس تبارك وناس تهنئ

مبروووووووووووك والف مليون مبروك للاخ مدثر الطيب وانشاء الله بيت مال وعيال وربنا يسعدكم.

والتهنئة موصولة من ( اباذر شيخ طلب ، بابكر ود الشافعي ، خالد مدني ، شيخ الصديق عبد النبي ، النذير حمد ، النزير بابكر ، الفكي النور ، يوسف 1، ويوسف 2 . وكل الاحباب بالشرقية الدمام

والعقبان لينا

مبروك مدثر وربنا يتم على البركة والعافية ومبروك لكل العائلة وبالرفاه والبنين ان شاء الله

مع التحايا

واحدة من بشريات هذا المنتدى هو تعدد أفراح الزملاء وهذا فال خير بالنسبة لنا نحن قبيلة (العزابة) التى لم يتبق لها شئ غير أن تكمل نصف دينها قبل أن ينهار النصف الأول .. أنا في غاية السعادة لتأهل صديقي مدثر وعبوره متاهات الحياة ، وأكثر سعادة أن مدثر سوف يجمع كل الأصدقاء والسمار على مائدة العرس العزيرة .. سوف أعتبر هذه الدعوة العامة خاصة وأغبرأرجلى فى سبيل رؤية عريس المدينة .
ألف مبروك له وهو يقدم على مرحلة معنوية جديدة
وما أسعد تلك العروس التى تنتظره كفارس أحلام لن يخيب أمالها ..
عزمي

الف الف مبروووووك يامدثر

وبيت ميال وعيال وربنا يتمه على خييييييييييير

والتهانى لكل افراد الاسرة الوالد العزيز والاخوان

وربنا يديم الافراح

وعقبال العزيز كوكى ود عبد النبى وابو شنب

بحمد الله ودعوات الاخوان والاخوات اكتمل زواج الاخ مدثر كأجمل ما يكون ........ تدفق الفرح فى الشوارع فكانت ليالى لا تنسى ..... عمرت فيه بمديح المصطفى عليه افضل الصلوات والتسليم......
كدى نبدا بدى لحدى ما نجيكم بى رواقه ....